AADHAAR ENROLLMENT (MIZO)
ENGNGE AADHAAR CHU?
Aadhaar number chu number hrang hrang 12 inzawmkhawm India rama chengte a finfiah hnua Sawrkar in UIDAI(enkawltu) hnuaia number a pek te ania a. Mi tupawh nausen atanga Puitling India rama chengte chuan Aadhaar an nei thei ani. Aadhhaaar siam tur chuan an mimal nihna diktak leh mit leh kut zia thla la in manlo in an siam tir thei ani. Aadhhaar siam tur chuan vawi khat siam khan a tawk bakah siamthat hnuah pawh Aadhaar Card 1 chiah anei thei ang. Kan mit leh Kut zia leh kan mimal nihna hmangin mimal tin kan danglamna theuh nihna alang thei dawn ani.
|
Demographic information |
Hming, Pian kum leh Ni, Mipa/Hmeichhia, Address, Mobile Number and Email ID (optional), Introducer-kal tlang anih chuan- Introducer hming leh Aadhaar number, Chhungkaw Pa/Nu ber hmang turin Pa/Nu ber hming leh Aadhaar, Inlaichin dan lanna. Naupang register duh tan Nu leh pa emaw a enkawltu Aadhaar nambar emaw ID an in laichinna lanna ken tur. |
|
Biometric information |
Kutzungtang sawm, mit lehlam lehlam , leh Thlalak |
Aadhaar number hi online a endik theih, thil tha tak a ni. identity dik lo te tih rehna atana hmanraw tha tak leh thil ti thei tak, Sorkar scheme hrang hrangte leh program te pawh tha taka kalpui leh tihhlawhtlin a nih theihna tûra thliar hran ti awlsam êm êmtu tha tal chu a ni. Aadhaar number hmanga thil tih reng reng te hi Sorkar duh dana lang tlang thei ang bera ruahman a nih avangin Sorkar tan pawh langtlang Sorkar tha leh chak a nih tir thuai thin. He hmanrua hi tunlai khawvel thiamna ID leh Digital hmanga man tlawm tak si, ram puma mi zawng zawng hna thawk theia siam hi a tum ber a ni.
Aadhaar number chuan hausa leh rethei, sakhua leh hnam, hrisel leh sello, kan chenna tlang mi phai mi te a thliar hranna anilo. Aadhaar number chu mimal chanvo up behna leh dalna hmanruah nilo in kan nihna (Identity) tarlanna mai ani.
Aadhaar hmanga tihhlawhtlin tum fel tak chu mipui vantlang nunhona leh sum leh pai che vêl thlenga siam that hi a ni ber. Vantlang nunhonaa mipui mamawh dik tak Sorkarin zalen taka kalpui hi a tum a ni. Aadhaar number hi sum leh pai che vêl atana mitinin kan hman kumhlun theih, vantlang dinhmuna ding pha ve lote leh mi hnuaihnung berte ban phâk vek theih tûr a ni a, dik tak leh in ang tlánga thil sem rual a nih tir phah thin. Aadhaar kalphung fel taka kalpui hi Digital India thil tum zinga pakhat chu a ni. India rama khua leh tui nihna nei tawh phawtte chu aadhaar hmanga chhinchhiah vek an ni ang.
Aadhaar kalphungin a ken tel heng – Nihna bik neih, Sum khawih theia siam leh KYC te avang hian Sorkar pawhin mitinte chanvo chan tur dik tak leh fel takin Aadhaar number hmangin a kalpui theih phah a ni.